Kartportalar og verktøy
Det vert arbeidd med å legge til rette for nye og betre verktøy til hjelp for forvaltninga av Vestnorsk fjordlandskap. Her er ulike kartportalar samla på ein plass.
Kartvisning i GISLink.
Kartportalar med tilpasningar til Verdsarv
I FylkesAtlas (kartportal for Vestland) er det oppretta ein tilpassa inngang for verneområda og verdsarvområdet i Vestland. Lekkja finn de under. Her er dei viktigaste kartlaga samla frå ulike nasjonale kartportalar og tilpasse behov i verneområde-og verdsarvforvaltninga. For å nytte kartlaga må de merke av det kartlaget de har behov for.
I GISLink (kartportal for Møre og Romsdal) er det også gjort ei liknande tilpassing, men denne er litt vanskelegare tilgjengeleg og vi forsøker derfor å forklare nærare her:
- Trykk på "vis kartlagsliste" oppe til venstre.
- Trykk på førehandsinnstilte lag heilt til venstre i margen - under ikonet for kartlagsliste.
- Trykk på Vestnorsk Fjordlandskap - verdsarv. Merk at du då får opp alle kartlag som er relevante for Vestnorsk fjordlandskap.
- Trykk så på ikonet for kartlag øvst til venstre i margen - dei aktuelle kartlaga er då førehandsvalgt.
- Når du no zoomer inn på eit område vil alle relevante kartlag for verdsarv kome opp.
- Du kan no til dømes trykke på arkfane øvst "Finn frem i kart" og vidare trykke på "Identifiser punkt" eller "identifiser flate". Då kjem ei liste over aktuelle kartlag fram.
- Det er også mange andre funksjonar i GISLink. Til dømes kan du lagre ditt eige innhald (sjå arkfane øvst.)